Ғурбатда ғариб шодмон бўлмас эмиш
Эл анга шафиқу меҳрибон бўлмас эмиш
Олтин қафас ичра гар қизил гул битса
Булбулга тикондек ошиён бўлмас эмиш
Ҳазрат Навоийнинг ушбу сатрларидан ақлсиз,забонсиз бир булбул учун олтиндан қафас қилиб,ичига боғнинг энг зўр гулини қўйиб берса ҳам ўзининг туғилиб ўсган жойидаги тикончалик бўлмаслиги тушинилар экан дунёдаги энг ақллик мавжудод бўлган инсон учун Ватан ва унинг ҳимояси муқаддасдир.Инсон ўз ватанини севиб уни асраб авайлаши керак.Чунки улуғ алломаларимиз айтганларидек Ватанни севмоқ иймондандир.Пайғамбаримиз с.а.в Маккадан Мадинага кўчиб кетаётганларида Макка шаҳрига қараб”Агар Макка мушриклари мени Маккадан чиқиб кетишлигимга мажбур қилмаганларида эди мен ўз ихтиёрим билан Маккани ташлаб кетмаган бўлар эдим”деганлар.Яна у зот Ватанни ҳимояси ҳақида шундай деганлар:”Икки кўзни(кўз эгаларини)дўзах ўти куйдирмайди-бири Аллоҳдан қўрқиб ёш тўккан кўзни,иккинчиси Ватан ҳимоясида ухламай бедор бўлган кўзни”.
Ривоят қилишича Салмон Форсий р.а Шураҳбийл исмли кишининг олдидан ўтдилар,Шураҳбийл ўша вақтда Форсларнинг бир қалъасини ҳимоя қилиб турган эди.Салмон Форсий р.а Шураҳбийлга айтдилар:”Мен Росулуллоҳ с.а.в дан эшитганмн:”Бир кун Ватан ҳимоясида бўлиш бир ой кундузи нафл рўза тутиб кечалари нафл ибодат қилгандан афзал”деганлар.Ушбу ҳадис ва ривоятлардан маълум бўладики Ватан ҳимояси ҳам ибодат саналади.Аллоҳга шукрлар бўлсинки жонажон Ватанимиз тинч,турмушимиз фаровон.Ушбу тинчликни ҳимоясида туну-кун тинмай хизмат қилаётганларга ҳукуматимиз томонидан хар йили 14-январни мамлакатимизда Ватан ҳимоячилари куни сифатида нишонланиши уларнинг кучига куч,ғайратига ғайрат қўшади.Ватан тинчлигини ҳимоя қилишда хар бир одам ўз ҳиссасини қўшишлиги керак.Бунда ёшларимз илму-ҳунарлари билан,кексаларимиз дуо ва ёшларга ибратли насиҳатлари билан тинчликни бардавом бўлишлигига хизмат қилишлари керак.Аллоҳ барчаларимизни она Ватанимизга бўлган муҳаббатимиз ва садоқатимизни мустаҳкам қилсин.
М Ботиров
Булоқбоши туман
“Қирғизбой” жоме масжиди имом-хатиби
