«ТАНИШСАК БЎЛАДИМИ?»

676

Бир йигит нотаниш қизни телефон рақамига хабар юборди: «Танишсак бўладими?» Қизнинг жавоби қуйидагича бўлди: «Майли, лекин мени кимлигимни биласизми?» Йигит: «Йўқ, кимсиз?» Қиз гап бошлади:

-«Мен озор бермаслигинг, бир бўлагинг эканимни унутмаслигинг учун қовурғангдан яратилган Ҳавоман.

-Мен жаннатдан ёлғиз йиғлаб чиққанингда сенга унсу улфат бўлиш учун Аллоҳнинг берган ҳадясиман.

-Мен сени онанг, холанг, амманг, опанг, синглинг, қизинг, уйингни муҳофаза этувчи аёлингман.

-Мен «Нисо», «Мужодила», «Нур» ва «Марям» суралариман.

-Мен жаннат оёғи остида бўлган онаман. 

-Мен сенинг меросингдан улуш олувчи меросхўрингман.

-Мен Ҳабиб Пайғамбарим соллаллоҳу алайҳи васалламнинг: «Аёлларга яхшилик қилинглар!», деб айтган васиятиман.

-Мен «Енг, ичинг ва кўзингиз қувонсин», деган аёлман. (Марям сураси, 26-оят)

-Мен тарбияли бўлсам мингта бетарбия эркакдан афзал ҳисобланувчи мўътабар зотман.

-Ўзингиз кимсиз, эй муҳтарам!

Йигит икки оғиз сўз билан жавоб қайтарди: «Тавба қилдим! Сизни шундай тарбия қилган онага олқиш ва тасаннолар бўлсин!!!»

Муҳаммадқуддус домла Абдуҳалимов,

«Етти Чинор» жоме масжиди имом-ноиби